Bir gün bu kəndə bir adam gəlir və dənəsi 10 dollara meymun almaq istədiyini bəyan edir. Kənd cəngəllikdə yerləşdiyi üçün yaxınlıqda çoxlu meymun vardı və kəndlilər bu xəbəri eşidincə sevincək cəngəlliyə qaçıb meymun ovlamağa başlayırlar. Alıcı minlərlə meymunu 10 dollardan satın alır və getdikcə kəndin ətraflarında meymunların sayı azalmağa başlayır. Meymun azaldığı üçün ovlamaq da müşkülə çevrilir.
Və meymun ovlamaq müşkülə çevrildiyi üçün kəndlilər ov etməkdən vaz keçməyə qərar verirlər. Belə bir məqamda alıcı qiyməti qaldırır və ovlanan hər meymun üçün 20 dollar verəcəyini bildirir. Kəndlilər həvəsə düşərək, cəngəllikdəki bütün meymunları ovlayırlar.
Cəngəllikdə meymun qurtardığı anda alıcı qiyməti bir qədər də qaldıraraq hər meymun üçün 25 dollar ödəyəcəyini bəyan edir. Bu dəfə ən təcrübəli ovçular belə nə qədər axtarsalar da cəngəllikdə bir dənə də olsun meymun tapa bilmirlər.
Bundan sonra alıcı ovlanan hər meymun üçün 50 dollar ödəyəcəyini, ancaq bir işi çıxdığı üçün təcili şəhərə qayıtmalı olduğunu bildirir və işi öz köməkçisinə tapşırır. Qiymət 50 dollar olsa da, daha cəngəllikdə bir meymun belə qalmamışdı və kəndlilər yerlərində vurnuxurdular. Bu məqamda köməkçi kəndlilərə belə bir təklif verir:
"Gəlin belə bir iş görək, nə qədər ki, rəis şəhərdədir, böyük qəfəsdə topladığımız meymunların hər birini mən sizə 35 dollara satım. Siz də rəis geri qayıdanda meymunları ona 50 dollardan satarsınız. Mən isə bu yaxşılığım üçün hər meymuna görə sizdən 1 dollar mükafat alaram."
Kəndlilər böyük şadyanalıqla bütün var-yoxlarını toplayaraq satdıqları meymunların hamısını 35 dollardan satın alırlar. Və şəhərdən geri qayıtması üçün söz verən adama aldıqları meymunları 50 dollardan satıb varlanmaq üçün gözləməyə başlayırlar...
Bəs sonra nə baş verir? Təbii ki, o ətraflarda bir daha nə həmin adama, nə də onun köməkçisinə rast gəlmək mümkün olmur.
Присоединяйтесь к ОК, чтобы подписаться на группу и комментировать публикации.
Комментарии 7
https://www.ekonomim.com/kose-yazisi/maymun-ve-borsa/462338