Ошиқларинг турнадек қатор,
Хар бир кунинг лолали бахор,
Йўлларингга қараб, интизор,
Улар мендек севолармикан?
Соясидан рашк қилиб, ёниб,
Ўзидан ҳам, сени қизғониб,
Кўз юмганда, шарпангдан таниб,
Улар мендек севолармикан?
Тинглармикан юрак дардингни,
Куйдирмасдан сени бағрингни,
Билармикан севгинг қадрини,
Улар мендек бўлолармикан?
Нигоҳларинг излашиб ойдан,
Умидлари узилган жойдан,
Юракчалар ясашиб лойдан,
Улар мендек кутолармикан?
Берармикан сенга умрини,
Уйқу билмас, бедор тунини,
Бағишлашиб хар бир кунини,
Улар мендек севолармикан?
Ўлим келса, мардона туриб,
Исминг айтиб, сўнги бор кулиб,
Мухаббатга садоқат қилиб,
Улар мендек ўла олармикан?
Куярмикан ишқингда шамдек,
Юрагимни оғритган ғамдек,
Қанча мехр берса ҳам камдек,
Улар мендек севолармикан?
То қиёмат йўлингни кутиб,
Дардларини ичига ютиб,
Маҳшар куни қўлингдан тутиб,
Жаннатларга киролармикан?
Улар мендек бўлолармикан?
📓-Камронбек Исмоилов. 2021.10.12
☺ॐ๑БЕЪНАЗР ЁХУД ЖУФТ ЮРАКЛАР๑ॐ☺ L٥٧٤
Присоединяйтесь к ОК, чтобы подписаться на группу и комментировать публикации.
Нет комментариев