Тэлеканал «Белсат»

🤔 Як Лукашэнка зарабляе на вайне Проста «падае снарады» Расеі? Або ўсё ж напаўняе сваю кішэню? Паглядзіце, як беларускія прадпрыемствы доўгія гады працуюць на вайну.

Неўзабаве пачнецца чарговы суд над палітзняволеным Змітром Дашкевічам Яго абвінавачваюць па артыкуле 342 КК РБ (арганізацыя і падрыхтоўка дзеянняў, якія груба парушаюць грамадскі парадак, ці актыўны ўдзел у іх). Суд пад кіраўніцтвам суддзі Анастасіі Кулік распачнецца 17 ліпеня. Нагадаем, Змітра Дашкевіча ў 2022 годзе асудзілі да 1,5 гадоў зняволення па «народным» 342 артыкуле КК. Палітзняволены не вызваліўся з турмы ў ліпені 2023 года, бо на яго завялі яшчэ адну «крыміналку» – за непадпарадкаванне патрабаванням адміністрацыі калоніі паводле (арт.411 ч. 1 КК РБ). Пазней стала вядома, што супраць Змітра ўзбудзілі яшчэ адну справу – зноў паводле арт.342 КК РБ. Дома на яго вяртанне чакаюць жонка і няпоўнагадовыя дзеці.

😮 Агрэсіўна настроеная моладзь напала на жаўнераў на польска-беларускай мяжы Інцыдэнт адбыўся ў ноч з 13 на 14 ліпеня недалёка ад мястэчка Вычулкі на тэрыторыі Польшчы каля гадзіны ночы. 👉 Моладзь шчыльна падышла да польскіх вайскоўцаў, якія ахоўваюць мяжу, і пачала гучна выкрыкваць абразы і пляваць у іхны бок, імкнулася ўступіць у бойку з жаўнерамі. Калі на месца прыехала паліцыя, то нікога з нападнікаў не засталося. Зараз вядзецца ўсталяванне асобаў нападнікаў. Пакуль невядома, ці былі яны ў стане алкагольнага ап’янення і прычыны іх агрэсіўных паводзінаў.

Пасля экстрэмальнай спёкі на Беларусь абрынуліся ўраганы У сталіцы вецер ламаў і вырываў з каранямі дрэвы. На Вілейскім вадасховішчы загінуў чалавек. Сабралі для вас відэа відавочцаў.

Маленькая беларуская прадпрымальніца Паглядзіце, які цікавы бізнес пачала 11-гадовая дзяўчынка👇

📍Тэлеканал «Дождь» паведаміў пра «цяжкую хваробу» Лукашэнкі Паводле крыніцы тэлеканалу, Лукашэнку зрабілася блага ў Астане, дзе праходзіў саміт ШАС. Іншая крыніца сцвярджае, што «Лукашэнка насамрэч вельмі цяжка хварэе і вельмі цяжка пераносіць сваю хваробу», аднак «на што ён хворы, невядома». Апошні раз інфармацыя пра хваробу Лукашэнкі з’яўлялася ў публічнай прасторы летась. 9 траўня на парадзе ў Маскве ён не змог самастойна прайсці да ўскладання вянкоў невялікую адлегласць.

На «Славянскім базары» ў Віцебску блытаніна з ідэалогіяй – не вызначыліся «За мір» ці «За герояў «СВО»? 🙈 У што ператварыўся некалі славуты фестываль, глядзіце ў нашым сюжэце 👇🏻

❤️ Былы палітвязень здзейсніў мару дзяўчынкі Блогер і былы зняволены Андрэй Бяляўскі даведаўся, што маленькая дзяўчынка з Бабруйску грае на адной з гарадскіх вуліц, каб зарабіць на ровар. Паглядзіце, што было далей👇

💔 У Варшаве памерла маладая беларуска. Ёй сабралі грошы на лячэнне, ад анкалогіі, але дзяўчына не даехала да лякарні 18-гадовая беларуска Лізавета Брылеўская змагалася з анкалагічным захворваннем і праходзіла лячэнне ў Варшаўскім дзіцячым цэнтры здароўя. У маі 2024 года для яе быў арганізаваны збор у 138,6 тысячаў еўра, неабходных на лячэнне ў нямецкай клініцы Шарытэ. Пасля збору сродкаў дзяўчыну павінны былі транспартаваць з Варшавы ў Берлін. Але стан Лізы пагоршыўся, і транспарціроўка стала немагчымай. Дзяўчыну пахаваюць на радзіме – у Радуні, 4 ліпеня ў 16-00.

🇬🇪 Уступленне Грузіі ў ЕЗ прыпынілі Паводле пасла Еўразвязу ў Грузіі Паўла Герчынскага, віной усяму антыеўрапейская рыторыка Грузіі і закон аб празрыстасці замежнага ўплыву. Таксама ЕЗ замарозіць 30 мільёнаў еўраў, выдаткаваных на падтрымку Грузіі ў сферы абароны. Нагадаем, нягледзячы на ​​масавыя пратэсты і вета прэзідэнта, парламент Грузіі 14 траўня прыняў законапраект «Аб празрыстасці замежнага ўплыву» ў трэцім чытанні. https://belsat.eu/news/09-07-2024-ustuplenne-gruzii-u-ez-prypynili