Тэлеканал «Белсат»

У Польшчы асудзілі ўкраінца за напад на беларусаў Здарэнне адбылося ў чэрвені 2023 года ў Вроцлаве. Беларусы Пётр і Кацярына сядзелі ў машыне з беларускімі нумарамі ў аўтамабільным затору. У гэты момант на іх нечакана напаў мужчына — плюнуў у акно і пачаў збіваць. Пара абаранялася, да яе на дапамогу падаспелі іншыя кіроўцы. Нападніка затрымала паліцыя, ім аказаўся грамадзянін Украіны. Паводле выдання MOST, на судзе затрыманы віну не прызнаваў і сцвярджаў, што ён паляк. Пасля вывучэння дакументаў аказалася, што ў яго толькі адно грамадзянства — украінскае. Мужчыну абвінавацілі ў нападзе па нацыянальнай прыкмеце і нанясенні пашкоджанняў. Украінцу далі два гады ўмоўна і штраф 2 тысячы злотых (1570 рублёў).

Еўразвяз увёў санкцыі супраць яшчэ 28 асобаў, датычных да рэпрэсіяў у Беларусі Прозвішчы большасці з іх не называюцца, але вядома, што пад абмежаванні патрапілі 2 намеснікі кіраўніка ГУБАЗіКу, пракуроры і суддзі, якія выносілі палітычна матываваныя прысуды, і кіраўнікі папраўчых установаў. Акрамя таго пад санкцыі патрапілі прапагандысты: гендырэктарка БелТА Ірына Акуловіч, вядоўца праграмы «Сенат» на СТВ і старшыня Маладзёжнага савета пры Нацыянальным сходзе Беларусі Мікіта Рачылоўскі і былы кіраўнік прэс-службы Лукашэнкі і даўні генеральны дырэктар БелТА Дзмітрый Жук.

🤦 Гэтыя фота з урачыстага адкрыцця…новага СІЗА Новы комплекс будынкаў СІЗА №1 па Менску і Менскай вобласці адкрыў міністр Кубракоў Новая турма ўключае ў сябе рэжымны корпус, рэспубліканскую агульна саматычную больніцу, адміністрацыйны будынак, спартыўна-культурны цэнтр і інтэрнат для супрацоўнікаў. Паглядзіце, як выглядае новае месца зняволення беларусаў...

Невядомыя падпалілі машыну экс-міліцыянта, адказнага за масавыя арышты Адбылося гэта 30 ліпеня ў Навагрудку. Уладальнікам пашкоджанай «Audi 80» зʼяўляецца Віктар Машчар – ідэолаг «Наваградскага заводу газавай апаратуры». Раней мужчына служыў у міліцыі, але ў 2022 годзе пайшоў у адстаўку. Пасля прызначэння ідэолагам на заводзе, Віктар пачаў выяўляць працоўных, у якіх былі падпіскі на «экстрэмісцкія каналы». Людзей затрымлівалі, а потым звальнялі з працы.

Памёр адзін з кіраўнікоў калоніі ў Воршы Вядома, што памерлы – 41-гадовы маёр Аляксандр Радкевіч. Ён кіраваў рэжымным аддзелам калоніі. Як паведамляе «Наша Ніва», мужчына ўсю кар’еру правёў у сістэме Дэпартаменту выканання пакаранняў (ДВП). Спачатку ён быў начальнікам атраду ў калоніі, потым старшым оперупаўнаважаным. Але ўсё роўна вярнуўся ў калонію на новую пасаду – начальнік рэжымнага аддзелу. Нагадваем, у аршанскай калоніі дагэтуль сядзяць 10 палітвязняў.

❗ Сайт «Белсату» часова перастае дзейнічаць Дарагія чытачы, ад сёння, 1 жніўня, сайт «Белсату» часова прыпыняе сваю працу праз тэхнічныя праблемы, якія мы стараемся як мага хутчэй вырашыць. Мы працягнем працаваць для вас. Кожны дзень мы будзем рабіць якасную аналітыку, шукаць цікавых герояў, каб паразмаўляць з імі і прапанаваць вам фантастычныя інтэрв’ю, якія даўно ўжо варта было б сабраць у кнігу (акурат, мабыць, цяпер і настаў час заняцца гэтым), а таксама здабываць для вас эксклюзівы. Сачыце за нашымі старонкамі ў сацыяльных сетках, дзе мы будзем публікаваць для вас матэрыялы. Мы абавязкова вернемся да вас па прывычным адрасе – belsat.eu. ❤ Чытайце нас у сацыяльных сетках: 🔸Тэлеграм: t.me/belsat 🔸Twitter: twitter.com/Belsat_TV 🔸Tiktok: tiktok.com/@belsat_tv 🔸Іnstagram: instagram.com/belsat 🔸YouTube: youtube.com/@belsat_news 🔸 Facebook: facebook.com/BELSAT.TV 🔸Укантакце: vk.com/belsat_tv 🔸Threads: threads.net/@belsat

🙅🏻‍♀️«Не вядзіцеся на правакацыі рэжыму» Святлана Ціханоўская наведала краму «Кропка» ў Вільні, якую грамілі вандалы, і пракаментавала сітуацыю👇

Пацверджана смерць атраду ПВК Вагнэра ў Малі Падчас баёў з паўстанцамі могуць быць забіты каля 80 расейскіх наймітаў, паведамляе BBC. Днём раней туарэгі паведамілі аб паспяховай атацы на ўзброеныя сілы Малі і баевікоў ПВК Вагнэра. Паводле іх, былі забітыя ці параненыя дзясяткі вагнэраўцаў і малійскіх вайскоўцаў. Некалькі расейцаў таксама трапілі ў палон. Прапагандысцкі канал RT, лічыць, што ў смярцях вагнэраўцаў у Афрыцы ёсць украінскі след.

Мадура «набраў» 51% галасоў на прэзідэнцкіх выбарах Улады Венесуэлы ўжо абвясцілі яго пераможцам. Мадура знаходзіцца на пасадзе прэзідэнта з 2013 года і пераходзіць на трэці тэрмін (6 гадоў). Галоўны канкурэнт – Эдмунда Гансалес атрымаў 44% галасоў паводле мясцовага выбаркаму. Экзіт-пол амерыканскай кампаніі Edison Research паказваў, што насамрэч перамог Гансалес. Вынікі выбараў ужо не прызналі Аргенціна, Перу і Чылі.

🏥Расея ваюе з хворымі дзецьмі? Сямігадоваму Сашы прызначылі 9 хіміятэрапій і 28 працэдур прамянёвай тэрапіі. Але з-за расейскага абстрэлу яму прыйшлося тэрмінова эвакуіравацца з лякарні «Ахматдыт». Паглядзіце гісторыю гэтага хлопчыка і іншых маленькіх пацыентаў 👇