Тэлеканал «Белсат»

Пацверджана смерць атраду ПВК Вагнэра ў Малі Падчас баёў з паўстанцамі могуць быць забіты каля 80 расейскіх наймітаў, паведамляе BBC. Днём раней туарэгі паведамілі аб паспяховай атацы на ўзброеныя сілы Малі і баевікоў ПВК Вагнэра. Паводле іх, былі забітыя ці параненыя дзясяткі вагнэраўцаў і малійскіх вайскоўцаў. Некалькі расейцаў таксама трапілі ў палон. Прапагандысцкі канал RT, лічыць, што ў смярцях вагнэраўцаў у Афрыцы ёсць украінскі след.

Мадура «набраў» 51% галасоў на прэзідэнцкіх выбарах Улады Венесуэлы ўжо абвясцілі яго пераможцам. Мадура знаходзіцца на пасадзе прэзідэнта з 2013 года і пераходзіць на трэці тэрмін (6 гадоў). Галоўны канкурэнт – Эдмунда Гансалес атрымаў 44% галасоў паводле мясцовага выбаркаму. Экзіт-пол амерыканскай кампаніі Edison Research паказваў, што насамрэч перамог Гансалес. Вынікі выбараў ужо не прызналі Аргенціна, Перу і Чылі.

🏥Расея ваюе з хворымі дзецьмі? Сямігадоваму Сашы прызначылі 9 хіміятэрапій і 28 працэдур прамянёвай тэрапіі. Але з-за расейскага абстрэлу яму прыйшлося тэрмінова эвакуіравацца з лякарні «Ахматдыт». Паглядзіце гісторыю гэтага хлопчыка і іншых маленькіх пацыентаў 👇

🤯 Эрдаган даў аплявуху дзіцяці, якое не пацалавала яму руку Гэта адбылося пад час урачыстай цырымоніі ў яго родным горадзе Рызе, піша партал T24. 🤦‍♀️ Пасля прамовы, прысвечанай праекту па абнаўленні гарадской інфраструктуры на плато Айдэр, на сцэну падняліся дзеці, каб атрымаць падарунак ад прэзідэнта. Маленькі хлопчык падышоў да Эрдагана і моўчкі ўтаропіўся на яго. Палітык даў яму лёгкую аплявуху. Пасля гэтага малы паціснуў яму руку, патрос яе, а затым, пасля падказкі дарослых, пацалаваў і прыціснуўся да яе галавой. У гэты час падышоў старэйшы хлопчык і абняў прэзідэнта. Эрдаган адпусціў дзяцей і нават даў ім кішэнныя грошы. ☝️ Раней паведамлялася, што падчас урачыстай цырымоніі адкрыцця тунэлю ў Турцыі Эрдаган ударыў дзіця за тое, што той не ўтрымаўся і разрэзаў блакітную стужачку раней часу.

Будынак РАУС, дзе ў 2020-м катавалі беларусаў, абрынуўся Адбылося гэта 26 ліпеня ў Гомлі, на вуліцы Сялянскай. Паводле МНС, будынак не эксплуатаваўся, пацярпелых у выніку інцыдэнту няма. Вядома, ў 2020-м у гэтым будынку збівалі удзельнікаў мірных пратэстаў. Шмат хто выходзіў адтуль з сурʼёзнымі траўмамі. У сакавіку 2022 міліцыянты пераехалі ў новы будынак на вуліцы Галавацкага.

😡 Невядомы збіў беларуску, якую прыняў за ўкраінку Адбылося гэта 25 ліпеня ў Варшаве. 40-гадовая Вольга ішла на сустрэчу са знаёмым, калі для яе звярнуўся на вуліцы мужчына. Спачатку ён ішоў побач і гучна размаўляў праз тэлефон, на што звярнула ўвагу беларуска, а калі азірнулася, ён пачаў крычаць на яе і плюнуў у спіну. Жанчына хацела запытацца, чаму ён так сябе паводзіць, але ён пачаў крычаць: «Чаму вы панаехалі? Валіце ў сваю Украіну!». Вольга збіралася сфатаграфаваць мужчыну, той накінуўся на яе і ўдарыў кулаком у скронь. Беларуска была вымушаная звярнуцца па медычную дапамогу. Паводле пацярпелай беларускі, навокал было шмат людзей, але ніхто не ўмешваўся ў сітуацыю. Паліцыянты ў выніку таксама нічога не зрабілі, бо «пашкоджанні няцяжкай ступені».

🤡 Які гэты Лукашэнка розны Расейская прапаганда паказала фота Лукашэнкі і там ён зусім не такі, як звычайна яго паказвае беларуская прапаганда. Інтэрнэт ужо пачаў жартаваць і мы далучаемся таксама.

Роўна 30 гадоў таму Лукашэнка афіцыйна стаў прэзідэнтам Беларусі 20 ліпеня 1994-га прайшла першая інаўгурацыя Лукашэнкі. А ці ўсе памятаюць колькі іх усяго было і ў якой атмасферы адбываліся? Мы вырашылі згадаць, колькі іх было, і паглядзець, як змяніўся дыктатар за гэты час👇

👀 Падрыхтоўка да 2025: у Беларусі мяняюць Інструкцыю па ахове грамадскага парадку Самаабвешчаныя ўлады хочуць усё больш кантролю над беларусамі. І хоць новага дакументу ў адкрытым доступе пакуль няма, аднак пра некаторыя новаўвядзенні даведацца ўсё ж удалося. Што зменіцца – чытайце ў нашым матэрыяле. ✅ Чытаць праз VPN https://belsat.eu/news/21-07-2024-dostup-da-spisu-lyudzej-z-psihzahvorvannyami-prafapratsouki-i-druzhynniki-yak-u-sssr-u-belarusi-unesli-zmeny-u-instruktsyyu-pa-ahove-gramadskaga-paradku ❎ Без VPN https://babzypmyspjjcuxq.aws-123.link/news/21-07-2024-dostup-da-spisu-lyudzej-z-psihzahvorvannyami-prafapratsouki-i-druzhynniki-yak-u-sssr-u-belarusi-unesli-zmeny-u-instruktsyyu-pa-ahove-gramadskaga-paradku

🤔Буслы сабраліся на мітынг? Іначай як патлумачыць гэтае масавае мерапрыемства?👇