Предыдущая публикация
❗️ З'явіўся фэйкавы Telegram-канал Ціханоўскай
У ім апублікаваны зроблены з дапамогаю нейрасетак ролік, у якім абраная прэзідэнтка нібыта кажа, што пастанавіла «спыніць дзейнасць у якасці нацыянальнага лідара Беларусі», а ейныя паўнамоцтвы «пераходзяць да Паўла Латушкі».
Адрас каналу толькі на адну літару адрозніваецца ад сапраўднага і нават колькасць падпісантаў падобная, таму будзьце пільныя! Падобна рыхтаваліся грунтоўна – канал быў створаны яшчэ 15 лістапада. Ён мае такую ж аватарку, там дубляваліся шматлікія допісы з сапраўднага каналу.
Гэты дыпфэйк ужо пракаментавала Ціханоўская: «Застаюся з вамі, каб працягваць нашае змаганне дзеля нашай роднай Беларусі».
Гэта не першы такі інцыдэнт за апошні час. Надоечы ініцыятыва «Сумленныя людзі» папярэдзіла пра фэйкавы Telegram-канал «Честные люди», створаны 14 студзеня, дзе заклікаюць узяць удзел у альтэрнатыўным падліку галасоў.
«Відавочна, гэта спроба скрасці вашыя асабовыя звесткі», – адзначылі сапраўдныя «Сумленныя людзі».
Нагадваем, будзьце пільныя ў сеціве і дбайце пра ўласную бяспеку:
▪️ Не пераходзьце па падазроных спасылках.
▪️ Правярайце, што публікацыі, якія вам перасылаюць, зроблены не ў падробленых каналах (для гэтага знайдзіце канал ініцыятывы праз пошук у тэлеграме і пераканайцеся, што там ёсць адпаведная публікацыя).
▪️ Паразмаўляйце са сваякамі, якія таксама могуць стаць ахвярамі махляроў, і растлумачце ім правілы лічбавай гігіены.
Следующая публикация
Нет комментариев