👆Святлана Ціханоўская распавяла пра камунікацыю з украінскімі ўладамі

Яна падкрэсліла, што не настойвае на асабістай сустрэчы з Уладзімірам Зяленскім, каб не фарсірваць падзеі:
💬«Ад пачатку вайны ў мяне быў такі прынцып: што б там ні было, галоўнае не нашкодзіць Украіне. І калі я разумею, што ёсць нейкія перашкоды для ўсталявання больш афіцыйных адносінаў паміж украінскімі ўладамі і дэмакратычнымі сіламі Беларусі — значыць, так яно і трэба. Не трэба фарсіраваць, – сказала палітык. – Мы не настойваем ні на сустрэчы з прэзідэнтам, ні на іншых кроках. Але ў нас ёсць камунікацыя. Мы сустракаемся з МЗС, з дарадцамі прэзідэнта Зяленскага, гэтага дастаткова».
Паводле слоў Ціханоўскай, у дэмакратычных сілаў «добрыя адносіны з украінскім грамадствам».