😡 Вьетнам выдал Лукашэнку былога байца Палка Каліноўскага

У 2022 годзе Васіль Верамайчык бараніў Украіну ад расейцаў, але пасля службы з’ехаў у Літву. Там яго прызналі «пагрозай нацыянальнай бяспецы» — раней ён быў афіцэрам беларускай арміі.
Беларус пераехаў у В’етнам, дзе яго затрымалі і выдалі рэжыму Лукашэнкі. Беларуская прапаганда паказала, як сілавікі вядуць яго ў Мінску. Полк Каліноўскага, у якім ён змагаўся за вызваленне Украіны, у Беларусі прызнаны «тэрарыстычнай арганізацыяй».
Ва Украіне мужчына займаў пасаду намесніка камандзіра батальёна «Волат» палка Каліноўскага. Верамайчык удзельнічаў у баях у Херсонскай, Мікалаеўскай і Луганскай абласцях.