Сизнинг кўнглингизни бииир чеккасида.
Ҳеч ким танимайди, кўрмайди ҳеч ким,
Менга кўнгли йўқнинг қалб ўлкасида.
Ҳеч нарса сўрамай, маюс, безабон,
Эрта-кеч дуои-жонингиз қилиб.
Тунлар тинчингизга бўлганча посбон,
Кундузлар қуёшни қўлимга олиб!
Яшасам майлими,
Йўлларингизда,
Майсадек, қадамлар чангида қолган.
Юз йилда бир тушган назарингиздан,
Дунёда энг улкан бахтни тополган.
Яшасам майлими,
Гоҳ ҳаста, гоҳ соғ,
Гоҳ гуллаб, гоҳида қовжираб, қуриб.
Майлими бир сизга тиласам паноҳ,
Жойнамоз устида йиқилиб, туриб.
Майлими яшасам,
Майли, йўқ фарқи,
Сиз билан эмасми, сиз биланми ё!
Айтинг, қанча турар меҳрнинг нарҳи,
Айтинг, қанча турар сиз бор бу дунё?
Яшасам майлими, барига кўниб,
Сиздан келмаса ҳам зарра илтифот.
Узоқда милтирар бир маёқ бўлиб,
Бўрон, тўфонларда синаса ҳаёт!
Яшасам майлими, бир сўз демай, жим,
Сизнинг кўнглингизни бииир чеккасида
Присоединяйтесь к ОК, чтобы подписаться на группу и комментировать публикации.
Комментарии 17
Мен сени топгандим, сени йўқотдим,
Наҳот ёзмоқдаман энг охирги хат!
Наҳотки сенсиз ҳам яна тонг отдим,
Сен...
Бахтли бўл фақат!
Қаноат сўрайман, сўрайман сабр,
Худодан тилайман сен учун тоқат!
Дунёга мен учун келгандинг ахир,
Сен...
Бахтли бўл фақат!
Менга қуёш эдинг, эдинг юлдузим,
Сен томон талпиниб яшардим фақат!
Мен сенсиз дунёда қолдим бир ўзим,
Сен...
Бахтли бўл фақат!
Бу дунё устидан қаҳ-қаҳ куларман,
Гарчанд юрагимда аламлар қат-қат!
Наҳотки мен сенга бахтлар тиларман,
Сен...
Бахтли бўл фақат!
СЕН БАХТЛИ БЎЛ ФАҚАТ!
Сизга кўнглим ёргим келяпти.
Меҳрингизни туйиб тафтига,
Ёнингизга боргим келяпти.
Масофалар чўзилди ёмон,
Дилни шавққа қоргим келяпти.
Дилим вайрон, юрагим вайрон,
Ёнингизга боргим келяпти.
Титраётган бармоқларингиз,
Қўлларимга олгим келяпти.
Ширин, ҳатто фироқларингиз,
Ёнингизга боргим келяпти.
Балки, сизга дардим бегона,
Жонни ўтга солгим келяпти.
Топиб битта яхши баҳона,
Ёнингизга боргим келяпти.
Билолмайман фикру-ўйингиз,
Хаёлларга толгим келяпти.
Димоғимда атир бўйингиз,
Ёнингизга боргим келяпти.
Қумсайверар кўнглим толдириб,
Ўзингизда қолгим келяпти.
Ҳаммасини шундай қолдириб,
Ёнингизга боргим келяпти.
Тинчингизни бузиб тонг чоғи,
Суюнчилар олгим келяпти.
"Мен келдим!", деб шодон жилмайиб,
Ёнингизга боргим келяпти
Ўртада висол,
Кутар, қай биримиз ташлаймиз қадам.
Титрайди соғинчлар, беролмай савол,
Бизлар ҳамон жиммиз, жимдир юрак ҳам.
~Азоб ортиб борар, зўриқиб кунда,
Оғрир бу дилимнинг тор деворлари...
Кутаман, келармикан, бехад орзиқиб,
Узоқдан бўлса ҳам дил исхорлари...
~Кўз ўнгимда хамон ўша табассум...
Кулгичи юзидан кулиб турар тик!
Сеҳрлаб қўяди гўёки бир зум,
Бир боқиб қошларин силаса киприк...
~Соғиндим...Соғиндик, бир - биримизни,
Сониялар биздан ўч олар бехос...
Ким билар, билмаймиз, ҳеч айбимизни,
Биз ахир беғубор севишдик халос...
~Сиз...сиз меникисиз, токи тирикман!
Битилган аввалдан тақдири азал.
Мен севган кўзларга - қалқон киприкман!
Четдаги нигоҳлар, беролмас ҳалал...
~Мен сизни севаман...
Сиз ҳам...биламан...