☝🏻Суроо: Орозодо ийне сайдырса болобу? Ооз ачылбайбы?
Жооп: Орозодо ийне сайдыруу орозону бузбайт. Анткени ийне аркылуу кирип жаткан суюктук, адаттагы азык кирүүчү жол (ооз, мурун, кулак, арткы аврет) менен эмес, андан башка жер аркылуу кирип жатат. Ошондой эле кирип барган жери да адаттагы азык кирүүчү жай (кекиртек, ашказан, ичегилер) эмес, этибарга алына турган көңдөй болбогондуктан, ийне менен берилген дарыга ооз ачылбайт.
Жооп:
Ийне сайса орозо бузбайт деген аалымдардын көч башында Мухаммад Саьиид Рамазан Буутий турат.
Кээ бир аалымдар курамында “глюкоза” болсо ооз ачылып калат дешет. А бирок, ага маани берүүнүн кажети жок.
☝🏻Суроо: Орозодо сууга, бассейинге түшсө, гусул кылса болотбу?
Жооп: Сууга,бассейинге түшсө болот салкындоо максатта, этият кылып кулак мурунга суу киргизбөө керек. Гусул алса да болот оозду мурунду чайкаганда этият кылып.
☝🏻Суроо: Орозодо тишти тиш паста мененен жуусу болотбу, мисвак менен тазаласа болобу?
Жооп: Тиш пастасы менен жууса болот, бирок даамы кетип калчуудай болсо ооз ачылып калат ошондуктан макрүх. Ошол үчүн ооз жапканда, ооз ачканда жууп койсоңуз жетишээрлик болот.
Мисвак менен тишти жуу, ал суулу болсо да, сууланган болсо да, түштөн мурун, түштөн кийин болсо да макрүх эмес.
Себеби: Мисвак ооздун жытын кетирип, ал орозо кармаган адамдын оозун жытын Пайгамбарыбыз (ага Аллахтын саламы жана ырайымы болсун) мактаган: "Орозо кармаган адамдын оозунун жыты Аллах Тааланын астында мисктин жытынан да жакшыраак болот ".
Эскертүү мисвак менен тазалаганда да абайлаш керек тиштеги калып кеткен тамак калдыктарын жутуп албоо керек орозо бузулуп калуусу мүмкүн..
☝🏻Суроо: Орозодо жыттуу нерселерди себинсе,жыттаса, жүзүнө, колуна крем, косметикалык каражаттарды колдонсо, ооруган жерлерге мазь, май сүйкөсө орозо бузулабы?
Жооп: Атыр себинсе, жыттаса, кремдерди колдонсо, мазь, май сүйкөсө орозо бузулбайт.
☝🏻Суроо: Орозодо жаш балдарды,тууган, эже апаларды өбсө, күйөсү аялы өбүшсө орозо бузулабы?
Жооп: Жаш балдарды, тууган апа эжелерди жүзүнөн сүйүп өбүп койсо орозо бузулбайт.
А жубайлар ортосунда кызыгуу шахваттар козголуп кетчүү болсо макрүх болот. Эгер өздөрүнө ишенсе боло берет. Оозмо ооз өбүшү орозону бузат.
☝🏻Суроо: Орозодо тамакты даамдаш, даарат эмес башка убакта оозду, мурунду чайкаса, сагыз чайнаса орозо бузулабы?
Жооп: Макрүх болот. Макрух шариятта жактырылбаган иш орозонун соопторунан куру калуу дегендик. А макрүх убакта абайлабаса орозо бузулуп калат.. Тамактын даамын татуу нафил орозо учурунда болот, а парз орозодо болбойт.
☝🏻Суроо: Орозодо тиши канаса, шилекейин жутса,мурду канаса, тиш арасында калган калдыктарды жутса орозо бузулабы?
Жооп: Шилекейин жутса, түкүрсө бузулбайт. Түкүрүктү оозуна жыйып жутса макрүх болот.
Тиши канаса, тиш жулдурса, мурун канаса канды жутпаса орозо бузулбайт.
Көңүлү бузулуп башы айланып куса турган болсо, кусканда ооз толо кусуп кайра жутуп алса орозосу бузулат. А кусканда кусунду артка өзү кайтып кетсе орозосу бузулбайт.
Тиш арасында калган калдыктар нокоттон чоң болсо жутуп алса орозосу бузулат. Оозуна кар, жамгыр кирип кетсе, жутуп алса бузулат.
☝🏻Суроо: Орозодо көзгө, мурунга, кулакка, аялдар, эркектер алдыңкы жынысына даары тамызса орозо бузулабы?
Жооп: Көзгө даары тамызса орозо бузулбайт.
Кулакка, мурунга, аялдар, эркектер жыныстыгына
даары тамызса ички тарапка өтүп кетсе орозо бузулат.
☝🏻Суроо: Боюнда бар аял, эмчек эмизген аял орозо кармаса болобу?
Жооп: Боюнда бар аял орозо кармап, баласына коркунуч болсо, же бала эмизген аял өзүнө, баласына коркунуч болсо, сүтү азайып кетсе орозо кармабайт. Врачтын кеңеши менен кармоо керек. А кийин казасын кармап берет.
☝🏻Суроо: Тамеки, насвай орозону бузабы?
Жооп: Бузат анткени тамеки тартканда түтүн ички органга кирет, а түтүн орозону бузат.
Түтүн десе от жакканда же кандайдыр себептен түтүн оозго мурунга кирип кетсе орозо бузулбайт.
Анткени атайлап жутулган жок кокустан болгону үчүн.
Насвай чеккенде бул оозго даам берет, жана адам кайф болуп өзгөрүү порссеси жүрөт организимде ошон үчүн бузат. Бул тамеки, насвай шариятта маркрүх тахримий болуп эсептелет. Бул дегени арамга жакыныраак.
Бир жылда бир келүүчү ыйык орозо айыбызды мындай жагымсыз нерселер менен булгабасак жакшы болоор..
☝🏻 Суроо: Орозодо анализ тапшырса болобу?
Жооп: Доктор Рамазан Бути деген улуу аалым "ийненин бардыгы бузбайт" деп айткан. Албетте, ар кандай анализ тапшырууга жана ийне сайдырууга болот. Кандан анализ берүүдө да чочулоо керек эмес. Кан тапшырса, кан алдырса ооз ачылып калат дегендикке жатпайт. "Хохна" деген араб сөзүнөн которгондо ийне дегенди туюнтуп калган. Анын бир мааниси боюнча клизма кылууга болбойт. Ушул эки нерсени айрып түшүнүүдө айрым чала сабат молдокелердин айтуусу боюнча адамдар жаңылып калып жатышат. Дары-дармек же ар кандай майларды сүйкөнө берсе болот. Бир гана ооздун, кулактын, мурундун ичине дары киргизүүгө жол берилбейт. Негизи ачка жүргөн организм күчтүү ийнени жакшы көтөрө албайт. Ошондуктан мүмкүн болушунча ийне албаганга же кечинде алганга аракет кылуу( дурус.
1) Орозо учурунда какырыкты жутуп алса ооз ачылбайбы?
Жооп: Какырыкты жутуп алуудан ооз ачылбайт. Шилекейди жутуп алуудан да ооз ачылбайт. Түкүрүктү жутуп алуудан да ооз ачылбайт. А бирок, оозуна шилекейин топтоп жутуп жибере турган болсо, макрух болгону менен орозосу бузулбайт.
2) Орозо тутуп, күндүз кечке уктаса болобу?
Жооп: Казанчынын өз эрки кайдан кулак чыгарса. Уктаса деле болот. Бирок, касиеттүү күндөрдү уйку менен эмес, таат-ибадат менен өткөрсө жакшылардын жакшы адатына жабышкан болор.
3) Гинекологко барган аял кан тамырга ийне сайдырып, тампон койсо ооз ачылбайбы?
Жооп: Ийне сайдыруу аттуунун баарынан ооз ачылбайт. Тампон деген нерсенин бир учу сыртка чыгып турса оозу ачылбайт.
3) Орозо тутуп, бирок кыйналып иштесең болбой калабы, же кыйналып иштесең да орозо туткан жакшыбы?
Жооп: Орозодо баары эле кыйналат. Ошого жараша сооп берилет. А бирок, кыйналуу оорулуу болуп калууга алып келе турган болсо, анда ооз ачып алууга уруксат берилет. Качан кыйынчылык кеткенде орозосун күнүнө күн кармап берет.
4) Оозду өз убагынан кеч бекитсе эмне болот? Бирок асманда жылдыз бар болот.
Жооп: Кээде таң аткандан кийин да жылдыздар жымыңдап тура берет. Айтор, шариатыбызда жылдызга карап орозо кармагыла деген маани жок. Ооз бекитүүнү убагына карап аткаруу этиеттик болот.
5) Орозодо косметика (памада, крем) койсо болобу?
Жооп: Зыяны тийбейт. Орозо бузулбайт.
6) Орозо кармаган адамдын алдында тамак жесе күнөө болбойбу?
Жооп: Күнөө деле болбойт. Болгону адепсиздик катары бааланат. Орозо кармаган адамдын ичтейин ачып, анын орозо кармоосун кыйындатып жибере турган болсо макрух болот.
7) 5 айлык баласын эмизбей, сүт менен баккан аялга орозо тутуу милдетпи?
Жооп: Кандайдыр бир себептерден улам баласын эмизбей калган аялзаты орозодон бошотулбайт. Кармоосу милдеттүү болот.
8) Балдарымды өөп-жыттасам оозум ачылбайбы?
Жооп: Жок. Орозо бузулбайт.
9) Орозо өзү кимдерге парз?
Жооп: Мусулман, ден-соолугу жол берген, сапарда эмес, айыз-нипас көрбөй турган, балагатка жеткен ар бир мусулман эркекке жана аялга парз.
10) "Маджалис рамадан" деген китепти окуса болобу?
Жооп: Болот. Мындай темадагы китептер бир кыйла. Анализдеп окусаңыз жакшы эле болот. Башка жамааттын китептерин окуганда салыштырууга туура келет. Ошондо орошон акыйкат ортого чыгат.
12) Орозодо баш жууп, көлгө түшсө, тиш жулдурса болобу?
Жооп: Бардыгы болот. Болгону көлгө түшкөндө оозу-мурдуңду этиет карма. Суу кирип кетсе орозо бузулат. Каза ваажып болот.
14) Орозодо шайтандар байланат дейт. Адамга кирип алган үч тамгалуулар да байланабы?
Жооп: Орозодо шайтандын чоңдору байланат. Майдалары шуулдап иштеп турушат..
16) Кулагым ооруйт. Кулак, мурун, кекиртектин тамыры бир болгондуктан, кулагым ооруганда жагымсыз нерсе кекиртегиме түшүп турат. Ооз беките берсем болобу?
Жооп: Болот. Зыяны тийбейт.
17) Эртең менен ооз бекитпей (эч нерсе жебей) орозо кармаса болобу?
Жооп: Макрух (жакшы эмес) болуу менен болот.
☝🏻Суроо: Этек кири келгенде орозо кармоо керекби?
Жооп: Жок, намаз окубаган сыяктуу эле орозо да келген күндөн баштап таза болгон күнгө чейин оозу ачык болот. Таза болгондон кийин гусул алып кармай берет. Качан күн келген болсо ошончо күн казасын кармап берет.
Суроо: Орозодо этек кир келип, ооз ачылса, ошол күндөрдүн орозосун кийин сөзсүз кармап бериш керекпи? Кайсы күндөн баштап кармаса болот же каалаган күнү кармап койсо болобу?
- Сөзсүз кармап бериш керек. Каалаган күнү кармасаңыз болот.
Суроо: Орозо бүткөндөн кийин 2 күн эс алып, анан 6 күн орозо кармап, артынан карыздарын кармайт дешти. 6 күн неге кармалат?
-Негизи казаларды кармап бүтүп, анан 6 күндүктү кармаш керек. Себеби каза орозо ыктыярдуу орозого караганда жогору турат. Пайгамбарыбыз айткан: “Орозодон кийин келүүчү 6 күндүк орозо бар, ошону ким кармаса, бир ай орозонун сообун алат” деп.
Суроо: Орозону эмнелер бузат?
Жооп: Төмөнкү учурларда орозо бузулат:
•1) Майда ташты же данекти жутуп алса.
• 2) Кулагына же мурдуна дары куйса.
• 3) Ичине куюлган дары курсагына жетсе.
• 4) Таң ата элек деген күмөн менен саарлыкта тамак жесе.
• 5) Күн батты деген күмөн менен оозун ачып алса.
•6) Аялын өпкөндө же кармалаганда же уяттуу
жерлерин сүрткүлөгөндө (түзсүз суу эмес) уруктук түшсө. Ушул иштердин баарында орозо бузулат жана казасы кармалат, каффарат кылынбайт.
Суроо: Ыхтыярсыз жана мажбур кусса орозо бузулабы?
Жооп: Кусунду оозуна келсе бузулбайт. Атайын мажбур ооз толтуруп кусса бузулат да бир күн казасын кармап берет.
Суроо: Каза да каффарат да качан важиб болот?
Жооп: Атайлап ооз жабык учурунда жыныстык байланышка барып оозун ачса, ошондой эле атайлап азык же даба боло турган бир нерсени жеп же ичсе орозосу бузулат. Бул үчүн каза да каффарат да важиб болот.
Суроо: Каффарат кандай болот?
Жооп: Бир кулду азат кылуу керек, ага күчү жетпесе катары менен эки ай орозо кармоо керек. Бул алтымыш күнгө Рамазанды жана орозо кармоого болбой турган күндөрдү (алар жөнүндө кийин айтылат) аралаштырбоо керек. Эгер ага да күчү жетпесе, анда алтымыш кембагалды тойгозуу керек.
Суроо: Рамазандан башка орозону бузса каффарат болобу?
Жооп: Жок, Рамазандын казасын бузса да каффарат болбойт.
ОРОЗОНУ БУЗБАЙ ТУРГАН АМАЛДАР
Суроо: Орозо кармоочуга пайда боло турган бирок орозону бузбай турган амалдар да барбы?
Жооп: Эгер эсинен чыгарып жеп-ичип, же унутуп калып жыныстык байланыш кылып койсо орозо бузулбайт. Уктап калып түшүндө жунуб болуп ойгонгондо уруктук чыкан болсо, аялын караса уруктук түшүп калса, аялын өпсө мани түшпөсө, кан алдырса, сурма койсо орозо бузулбайт .
☝🏻Орозо кармагандар үчүн күмүш сырга болсун! Башкаларга таркатууну да унутпаңыз, кээ бир туугандарыбыз суроолоруна жооп таппай жүрүшү мүмкүн себепчи болуп калыңыз!
Катталыңыздар
Бактылуулуктун жолу Ислам
Одноклассник http://ok.ru/group/53024057655372 Мой мир
https://my.mail.ru/community/islamjolu.jimdo.com/?ref= Вконтак https://vk.com/baktyluuluktun.jolu.islam Facebook https://www.facebook.com/groups/Baktyluuluktun.jolu.Islam/ WhatsApp +79660468206
Сайт: Islamjolu.jimdo.com
Присоединяйтесь к ОК, чтобы подписаться на группу и комментировать публикации.
Комментарии 12