Предыдущая публикация
Урматтуу кыргызстандыктар, кыргыз элим!
Баарыңыздарды кирип келе жаткан 2024 жыл, жаңы жылыңыздар менен чын жүрөгүмдөн куттуктайм.
Жаңы жыл баарыңарга жакшылыктын, ийгиликтин, токчулуктун жылы болсун.
Дүйнө жүзүндө, ошонун ичинде биздин өлкөбүздө согуш, кан төгүлгөн каргашалуу күндөр кайталанбасын
Көп улуттуу мамлекетибиз ич ара кагылышуулардан, ичи кара адамдардын кыянат аракеттеринен сырткары болуп, дайыма жергебизде тынчтык, ынтымак өкүм сүрсүн.
Азыркы учурда өлкөбүздө абдан чоң өзгөрүүлөр болуп, экономика көз көрүнө жогорулаганы байкалып, элдин жашоосу жакшы нукка бурулганы сезилип, сыртта жүрсөм да ичимди жылытып, кубандырып турат.
Ылайым эле Кыргызстаныбыз ушул жолдон тайбай, адашпай туура кетип, жакынкы жылдарда өнүккөн мамлекеттердин катарына кошулсун.
Ошондуктан баардыңарга бекем ден соолук, кажыбас кайрат, ырыс-ынтымак тилеп, азыркы болуп жаткан ийгиликтерге туура көз карашта болуп, ар бириңер өз салымыңарды кошосуңар деген үмүттөмүн.
Дагы бир жолу келе жаткан жаңы-жылыңар кут болсун.
Жакшылыктарда жүз көрүшуп жолугалы деп,
баарыңарды урматтоо менен Бакиев К. С.
Минск 30.12.2023
Следующая публикация
Комментарии 9