“Йылдан-йыл үҙ телебеҙҙә ижади фекерләгән, яҙған, һөйләшкән белгестәр аҙая"

Гөлдәр СОБХАНҒОЛОВА, Стәрлетамаҡ башҡорт драма театрының әҙәби-драматургия бүлеге етәксеһе.
– Йылдан-йыл үҙ телебеҙҙә ижади фекерләгән, яҙған, әҙәби телдә һөйләшкән белгестәр аҙая бара. Был мәсьәлә һәр өлкәгә ҡағыла, әлбиттә. Ә бына милли театрыбыҙ, ғөмүмән, сәнғәтебеҙ, мәҙәниәтебеҙ өсөн был киләсәктә етди мәсьәләгә әүерелеүе ихтимал. Ошо һорауҙарға яуап табыу, аралашыу, фекерләшеү, әңгәмәләшеү маҡсатында ҙур өмөттәр бағланды VI съезда.