Байрам менән, ҡәҙерле хөрмәтле атайҙар!
Атайлы бала арҡалы, тиҙәр, балаларыбыҙға атайҙарына арҡаланып, иркәләнеп йәшәргә Хоҙай насип итһен! Ер йөҙөндә ғаиләһе өсөн өҙөлөп, балалары өсөн йән атып торған, эшлекле, аҡыллы, яҡшы атайҙар күберәк булһын!
Атай йорто.
Атай йорто – йылы усаҡ икән,
Гел үҙенә әйҙәй, саҡыра.
-Бала сағың бында – осрашырһың,
Ваҡыт табып, тиҙерәк ҡайт ҡына.
Атай йорто – ер кендеге икән,
Барса юлдар уға тоташҡан.
Күпме генә алыҫ юлланһам да,
Ул барында, беләм, аҙашмам.
Атай йорто – хыялыма ҡанат,
Яҡты маяҡ барыр юлымда.
Ауыр саҡта атайымдың көслө,
Йылы усын тоям усымда.
Атай йорто – ҙур бер табын кеүек,
Дуҫ - туғандар бергә йыйылған.
Туғанлыҡтың нескә ептәренән
Алтын кәрәҙ бында ҡойолған.
Присоединяйтесь к ОК, чтобы подписаться на группу и комментировать публикации.
Нет комментариев