Предыдущая публикация
Аллоҳ хузурига кетамиз.........
Ишонманг дунёнинг ишлари ёлғон,
Баҳорлари ёлғон қишлари ёлғон.
Берган азоби-ю муштлари ёлғон.
Ўткинчи дунёдан ўтамиз дўстлар,
Аллоҳ ҳузурига кетамиз дўстлар.
Қорани оқ деймиз кўчириб оққа,
Шайтону лаиндек ботдик гуноҳга.
Жисмимиз сингишиб қора тупроққа,
Ўткинчи дунёдан ўтамиз дўстлар,
Аллоҳ ҳузурига кетамиз дўстлар.
Қилган гуноҳимиз дўзаҳга ўтин,
Савобимиз жаннат чиптаси олтин.
Кимдандир кейинроқ ва ёки олдин.
Ўткинчи дунёдан ўтамиз дўстлар.
Аллоҳ ҳузурига кетамиз дўстлар.
Тўймаймиз гўёки фоний ҳаётга,
Интилмай зулматдан асло нажодга.
Охири мингашиб бир ёғоч отга,
Ўткинчи дунёдан ўтамиз дўстлар,
Аллоҳ ҳузурига кетамиз дўстлар.
Дунёни атаб гоҳ ғалвали бозор,
Шу бозор ичида чекамиз озор.
Биродар оҳ фарёд чекганинг бекор,
Ўткинчи дунёдан ўтамиз дўстлар,
Аллоҳ ҳузурига кетамиз дўстлар.
Ошиқмиз беқарор ғафлатга мафтун,
Шодликда бахтиёр аламда маҳзун.
Зафар дер, сизга албатта бир кун,
Ўткинчи дунёдан ўтамиз дўстлар,
Аллоҳ ҳузурига кетамиз дўстлар.
Следующая публикация
Комментарии 1