Իսպանիայի հավաքականի նախկին կիսապաշտպան Խաբի Ալոնսոն խոսել է Չեմպիոնների լիգայի ընթացիկ խաղարկության և իր նախկին ակումբի՝ «Լիվերպուլի» մասին: «Լիվերպուլը» կարող է հաղթել Չեմպիոնների լիգան, որովհետև նախորդ մրցաշրջանից հետո նրանք ունեն անհրաժեշտ փորձը դրա համար: Նրանք հաղթանակի ծարավ ունեն, իսկ եզրափակիչում «Ռեալից» կրած պարտությունը միայն ավելի է ավելացրել այդ ծարավը: Կարծում եմ՝ «Լիվերպուլը» հիանալի է իրեն դրսևորել Չեմպիոնների լիգայի այս խաղարկությունում: Նրանք ունակ են դուրս թողնել մրցաշարից ցանկացած մրցակցի երկխաղյա դիմակայություններում: «Լիվերպուլի» հաջողության գաղտնիքն առանձին ֆուտբոլիստները չեն, այլ իրենց դավանած փիլիսոփայությունն ու կառուցած ֆուտբոլը: Նրանք այժմ ավելի կայուն են: Կլոպը փայլուն աշխատանք է կատարում», – Ալոնսոյի խոսքերն է փոխանցում BBC-ն: Ալոնսոն «Լիվերպուլի» հետ 2005 թվականին նվաճել է Չեմպիոնների լիգայի գավաթ: