Предыдущая публикация
🐈 Ауырып китһә, бесәйҙең агрессивҡа әйләнеүе мөмкин.
Шуға күрә, уның тәртибендә ҡырҡа үҙгәрештәр һиҙһәгеҙ, йорт хайуанын ветеринарға тикшереүгә алып барығыҙ.
Бесәйҙәр агрессияһының башҡа сәбәптәре һәм уны иҫкәртеү тураһында Башҡортостан Республикаһының Ветеринария буйынса дәүләт комитеты белгестәре менән берлектә аңлатабыҙ.
❗ Бесәйҙә агрессия – ҡотороу ауырыуының бер билдәһе. Хайуанды вакцинацияланмаған көйө урамға сығарһағыҙ, уға сир йоғоуы ихтимал. Ветеринар сирҙе ваҡытында асыҡлай ала.
😾 Бесәйҙәрҙең шулай уҡ:
- үҙ биләмәһен һаҡлағанда;
- ҡурҡҡанда;
- кеше хайуанды уйнатыр өсөн көсләп тотоп торғанда;
- уйнағандан һуң ярһығанда;
- яңы ҡуҙғытҡыстар барлыҡҡа килгәндә (хужаһы парфюмын алмаштырһа, ғаиләлә яңы ағзалар, яңы хайуан йәки үҫемлектәр барлыҡҡа килһә, ғәҙәти мөхит үҙгәрһә);
- енси өлгөрөү осоронда йәки бала тапҡандан һуң асыуы ҡабарырға мөмкин.
😻 Хайуан агрессив булмаһын өсөн:
- бесәйҙең һаулығын күҙәтегеҙ;
- бесәй балаларына үҙҙәренең тәпәйе менән уйнарға рөхсәт итмәгеҙ. Юғиһә, ҙурайғас бесәйҙәр кешегә ташланасаҡ;
- физик көс ҡулланмағыҙ – бесәй быны үҙенә ҡарата агрессия тип ҡабул итер һәм шулай уҡ яуап бирер;
- әгәр төшөргә уйлаһа һәм ҡаршылыҡ күрһәтһә, бесәйҙе ҡулығыҙҙа тотмағыҙ;
- йорт хайуанының холҡон өйрәнегеҙ. Мәҫәлән, бесәй асыуланғанда ҡойроғо менән йыш һуға;
- уйын ҡағиҙәләрен үтәгеҙ. Уйынсыҡтар ҡулланһағыҙ, «табыш»тың ысын хәрәкәттәрен ҡабатлағыҙ. Йорт хайуанына иғтибар тупларға һәм уйынға әҙерләнергә мөмкинлек бирегеҙ. Бесәйгә "ҡорбанын" тоторға, һунарҙан ҡәнәғәтлек алырға мөмкинлек бирегеҙ;
- уйын ваҡытында бесәйҙең иғтибарын ситкә йүнәлтергә өйрәнегеҙ;
- йорт хайуаны өсөн ял урыны булдырығыҙ;
- тышҡы ярһытҡыстарҙың тәьҫир итеүенә юл ҡуймағыҙ. Мәҫәлән, бесәйҙәр көслө тауышты һәм киҫкен еҫтәрҙе яратмай;
- әгәр яңы ғаилә ағзалары йәки башҡа хайуандар барлыҡҡа килһә, бесәйгә уны бер нимәгә ҡарамай яратыуығыҙҙы белдерегеҙ;
- әгәр бесәйегеҙ йөклө икән, уға йәшерен урын булдырығыҙ. Яңы тыуған бесәй балаһына сит кешеләрҙе, балаларҙы һәм башҡа йорт хайуандарын яҡынайтмағыҙ;
- хайуандың агрессияһы енси өлгөрөүгә бәйле булһа, стерилизация/кастрация ярҙам итер.
#Аңлатабыҙ_Башҡортостан
Следующая публикация
Нет комментариев