Предыдущая публикация
🧕СОЛИХА АЁЛ… 🌸
Уламолардан бир зот ёш ва гўзал бир аёлни имтиҳон этиш учун бундай деди: - Сендай гўзал бир аёлнинг шундай хунук эри булиши мумкин эмас. Эри хунук, кир юрадиган, нохуш одам бўлган, бу гўзал хотин олимга ушбу гўзал жавобни берибди: - Эй Ҳаким! Сиз кўп янглиш сўзладингиз. Гапингиз тўғри эмас. Бундай сўзларни сиздай олим одамдан эшитиб кўп ранжидим. Чунки эримнинг Аллох таоло олдида бир савоби борлигидан бўлса керак, мени у савобга нисбатан бир мукофот ўларок насиб этгандир. Балки мен бир масият иш қилган бўлишим мумкин. Ҳақ таоло бу гунохимнинг жазоси сифатида мени унга бергандир. Жаноби Ҳақнинг берган такдирига рози бўлиш керак. Олим аёлга: - Болажоним, мен сени диндор ва ақлли бир аёл эканглигингни сезган эдим, шунинг учун имтиҳон килиб кўрай, дегандим. Қизим, аёлларда жаннатга кириш учун энг буюк аломат, эрларининг ёмон феълларига сабр қилмоқдир. Бу сабр уларни жаннатга олиб боради. Жаннатий солиҳа аёлнинг аломати эрига итоат этмоғи, эри йўклигида дуои ҳайр килмоғи ва эрининг мол- мулкини сақлаб, эҳтиёт қилмоғи каби хусусиятлардан иборатдир. Менинг бу айтганларим солиҳа аёлнинг жаннатга кириши учун бир сабабдир, - деб насиҳат қилди.
© Юсуф Товаслийнинг "Ҳикматлар хазинаси" китобидан.
Следующая публикация
Нет комментариев