Donald Tramp ma'muriyatining sanksiyalar va tariflardan iborat bosimlari fonida Kosta-Rika AQShdan deport qilinganlarni o'z vataniga qaytarilgunga qadar hibsda saqlab turishga rozi bo'lgan ikkinchi mamlakatga aylandi.

Panama allaqachon deportatsiya ro'yxatiga tushgan hujjatsiz muhojirlarni qabul qilib ulgurgan.
20-fevral kuni 200 nafardan ziyod hujjatsiz muhojir bilan AQShdan uchgan samolyotda O'zbekiston, Qozog'iston, Afg'oniston, Turkiya, Ozarbayjon, Eron, Vyetnam, Gana va Xitloy fuqarolari bor.
Migrantlar aeroportdan avtobuslarda Kosta-Rikaning Panama bilan chegaradosh dalalaridagi punktlarga olib ketilgan. Muhojirlar olti hafta ichida o'z mamlakatlariga deport qilinishi, barcha xarajatlar AQSh hukumati tomonidan qoplanishi ma'lum qilingan.