Предыдущая публикация
13-Войн:
БАСЫҢДА БАСПАНАҢ БОЛМАСА ЕГЕР.
(Менненде беттер нахақлықтан күйип, от болып жүрген әжағам Ш ға)
Барыуға қысынып мереке, тойға
хәр түрли қыяллар келеди ойға.
Ишкениң, жегениң тарамас бойға
басыңда баспанаң болмаса егер.
Мейлиғой болсада хәтте кетектей
мийманды келесең қорқпай жетеклей.
Қууансаң қапалық жетер көп өтпей
басыңда баспанаң болмаса егер.
Жоқшылық жигиттиң атын шығармас
байлықхәм барларға қояды ықлас.
Ерксиз көзиңнен шығар ашшы жас
басыңда баспанаң болмаса егер.
Кеулиңниң айнасы хәр күни сынып
шил-пәршин болады, көз алдың тынып.
Сақыйлар қасыңнан өтер көз жумып
басыңда баспанаң болмаса егер.
Басшыда, қосшыда тыңламас сөзиң
ким душпан, ал ким дос көреди көзиң.
Дүньяда артықтай боласаң өзиң
басыңда баспанаң болмаса егер.
Дәртиңниң үстине шығады шыйқан
нахақлық көп көрип жыбырлар қуйқаң.
Арзыңды тыңламас сыпайы сыйпаң
басыңда баспанаң болмаса егер.
Мың нәлет жигитти жылатқан күнге
мың нәлет бағыңды қулатқан күнге.
Аухалың хеш қызық болмас хеш кимге
басыңда баспанаң болмаса егер.
Ж. К. 16.09.2020.
Следующая публикация
Нет комментариев